सराईपाली छतरसिग पटेल
आज सराईपाली शहर मा लोगन मन धनतेरस के शुभ अवसर मा जम के बाजार मा खरीदी करीन, आज शहर मा, सोन चांदी के साथ हि, मोटर साइकिल, टेक्टर, अऊ कार के भी जम के खरीदारी करे गिस, लोगन मन धनतेरस ला कछु भी सामान खरीदारी के शुभ मुहूर्त माना जाथे जेकर खातिर हर बछर धनतेरस मा नवा नवा सामान के खरीदारी करथे, आज सबो दुकान मा लोगन मन के अब्बड़ भीड़ देखे जा सकत रहिस, लोगन मन नवा नव कपड़ा अऊ अनेक उपयोगी जीनिस के बढ़ मात्रा मा खरीदारी करीन जेकर खातिर बाजार आज बढ़ गर्म रहिस हावै, आपमन ला बता दन कि सराईपाली शहर मा 10 किमी. से लेकर 40 किमी. के लोगन मन पहुंचथे, ऐ क्षेत्र काफी कंपटीशन क्षेत्र के श्रेणी मा आथे यहाँ अनेक प्रकार के कंपनी अऊ बैंक मौजूद हावै, दूसरे कोई ब्लॉक मा अऐसन सुविधा उपलब्ध नहीं हावै यहाँ काफी दुर – दुर ले लोगन मन खरीदारी करे बर पहुचथे बाकी दुसर ब्लॉक मा ऐ प्रकार के माहौल नई देखे बर मिलै आज सबसे ज्यादा भीड़ लोगन मन के सोनचांदी दुकान, अऊ, मोटरसाइकिल, टेक्टर दूकान मा देखे बर मिलिस सुबह ले शाम तक लोगन मन के काफी बढ़ मात्रा मा भीड़ देखे बर मिलिस
