ग्राम मोहदा मा गाजे बाजा के साथ मातारानी के करे गिस अंतिम बिदाई
– छतरसिग पटेल
सरायपाली(काकाखबरीलाल)। गाजे बाजे के साथ आज माता ला अंतिम बिदाई करे गिस हावये आपमन ला बता दन कि पिछले अनेक बरस से ये गाँव मा नवरात्रि परब ला काफी धुम धाम ले मनाथे, ये गाँव मा बड़ संख्या मा दुर दुर ले यहाँ दरशन करे खातिर लोगन मन पहुंचथे अऊ ऐ गाँव हर नवरात्र परब के नाम से काफी जाने जाथे वही दुसर रावन दहन के नाम ले भी जाने जाथे अऊ यहाँ दुरगा के संगे संग गौरी माता भी स्थापित करे जाथे ऐ गाँव ला दुरगा परब के नाम ले काफी प्रसिद्ध हाबे वही यहाँ छत्तीसगढ़ के प्रमुख विधा नाचा के जन्मजात गाँव हावे अउ दुर दुर तक नाचा के प्रचार प्रसार मा यहाँ अनेकों गुरु जन हावे जोन मन छत्तीसगढ़ के नाचा कला ला आगु बढाये बर हमेशा प्रयत्न शील रथे ऐ गाँव हर धार्मिक रूप मा काफी अब्बल हावे।
अउ नवरात्र के समय मा यहाँ अनेक प्रकार के कायृक्रम के आयोजन नवरात्र के दौरान करे जाथे, कायृक्रम देखे खातिर यहाँ लोगन मन दुर दुर ले पहुंचथे.
