ग्राम बिछिया मा डोंगर मेला के आनंद धुम धाम ले उठाये गिस
-छतरसिग पटेल
सरायपाली(काकाखबरीलाल)। काली रविवार शरद पूर्णिमा के पावन अवसर मा ग्राम बिछिया मा डोंगर मेला के आयोजन करे गिस, जेला देखे खातिर आस पास के लोगन मा बडं संख्या मा पहुंचे रहिन, वही विविध मनोरंजन कायृक्रम के भी आयोजन करे गये रहिस. आपन ला बता दन की ईहा शरद पुनी बर हर बरस ये आयोजन करे जाथे जेला देखे खातिर बड़ धुरिहा धुरिहा ले लोगन मन पहुंचथे।
ऐ मेला हर आस के प्रमुख मेला मा प्रमुख स्थान हावे ये मेला के आनंद लेहे खातिर लोगन मन ला काफी बेसब्री ले इंतजार रथे वही ऐ मेला मा बड़का, जवान, सहित सबो मन बढ़ चढ़ के हिस्सा लिन राती के बेला मा, फुलझड़ी कायृक्रम लोगन मन ला काफी ज्यादा भावत रहिस अऊ ऐला देखे खातिर नवजवान साथी मन काफी बढ़ संख्या मा पहूंचे रहिन. आप मन ला बता दन कि मेला मढ्ई के परंपरा मा हामर छत्तीसगढ़ अलग पहचाने जाथे, हामर छत्तीसगढ़ के लोक संस्कृति अऊ वेशभूषा विदेश मा भी चर्चा के विषय हावे