काकाखबरीलाल/कविताओं का संग्रह
वाह रे पानी बादर
अइसन दिन म आए काबर
साल कथरी म रतिहा बितै
अब सांटे ल होगें चादर
वाह रे पानी बादर
अइसन दिन म आए काबर
किसान मन के धान भिंगत हे
मंडी लेगे बर दिन गिंनत हे
बियारा ले घर डोहरई म
थकगे जांगर
वाह रे पानी बादर
अइसन दिन म आए काबर
जाढ के मारे नौहइया कांपे
बिगन नहाए रंधनी कुरिया झांके
चूर गे का रोटी अंगाकर
वाह रे पानी बादर
अइसन दिन म आए काबर मनोज प्रधान
AD#1
