– छतरसिग पटेल
सरायपाली (काकाखबरीलाल) । विकास खंड ले कुछ हि धुरिहा मा स्थित ग्राम चकरदा के जर्जर सड़क ले यहाँ के लोगन मन बहुथे दुखी हावे, बारीश होवे के बाद चकरदा ले केदुमुडी़ जाये वाला रस्ता हर कीचड़ मा तब्दील हो जाथे अऊ जगह जगह मा गडढा बन गए हावे अऊ गडढा मा पानी भरे रथे जेकर ले खासकर रात के समय मा आना जाना करने वाला मन ला बहुथे तकलीफ के सामना करना पड़त हावे. वही यहाँ के जिम्मेदार ब्यक्ति मन ये तरफ ध्यान नही देवत हावे जेकर ले लोगन मन मा काफी आक्रोश हावे. ऐ सड़क मा सुबह ले शाम तक लोगन मन के आना जाना लगे रथे, लेकिन जर्जर, सड़क ले लोगन मन ला काफी दिक्कत के सामना करना पड़थे. वही ग्राम चकरदा के स्कूल पारा ले कुराहा तालाब तक कीचड़ ले रास्ता भर जाथे बारीश होवे के बाद जेकर ले यहाँ के लोग मन निस्तारी करे जाहे बर काफी दिक्कत के सामना करना पड़थे वही दुसर तरफ गाँव के अंदर सीसीरोड मा भी जगह जगह गडढा बन गये हावे जब ले सीसीरोड बनाये गये हावे तब ले रिपेयरिंग नहीं होवे हावे जेकर ले बारीश होवे के बाद जगह जगह सड़क कीचड़ मा तब्दील हो जाथे ।
